和記事件薄
繼上一次明串咀之後, 果次到今日, 我分別收到2次和記既電話, (唔知點解一定係和記-____-")
我覺得2次都ok玩野-___-''第2次直頭搞爛gag囉-v-"e家分別講俾你地知-v-"
其實我都唔想咁衰...不過佢地真係打得黎唔合時, 果時我咁岩打緊機-v-"(我打機搵命博嫁大佬-v-")
事件一
和記：你好呀！請問你係唔係6xxx-xxxx登記機主呀？
我：係又點唔係又點呀？
和記：咁既，我係和記打黎同你介紹番優惠嫁！
我：（好似上次咁）我好似冇登記過和記既服務，點解你有我電話嫁。
和記：因為今次想同你介紹返帶號碼轉台優惠，所以就打左俾你。
我：（語氣唔多友善）我依家問你打黎做咩咩？我問你點解有我電話呀！
和記：因為我地今次都係想介紹返帶號碼轉台優惠，所以都係會打Ｄ本身唔係和記既用戶既電話。
我：（笑住講）你知唔知咩叫問非所答，我係問你點解有我電話，唔係要你解釋點解打俾我呀！
和記：（唔理我講咩，繼續Sell）咁既，我地想介紹返轉台優惠俾你，帶號碼轉台送一部價值$7xx既mp4俾你。
我：依家好多人打俾我咩，你地..你就你啦！我用緊I-POD，唔洗用MP4。
和記：依家帶號碼過台可以比較平D。
我：和記唔好用，成日收唔到，我唔轉。
和記：小姐，其實每間電話公司都會有佢地既盲點，咁平，可以考慮下。
我：和記盲點特別多，錢我大把，再貴我都俾得起。
和記：但係咁WOR小姐，平D既價值轉台，仲可以免費有一部價值$7xx既mp4，點解唔考慮下呀。
我：我都話我用緊８GB I-POD，MP4再貴都唔會有8GB，何況我咩都冇，錢就大把，我有錢用間最貴最好用既公司，
有錢買I-POD，我係冇錢買樓，如果你地既優惠係送層南灣半島既一千尺豪宅俾我，我諗都唔諗就轉台。
和記：咁唔好意思，阻你咁耐，拜拜。
事件二
和記：你好呀！請問你係唔係6xxx-xxxx登記機主呀？
我：唔係。你係邊位？
和記：哦，我係和記打黎嫁，咁請問你係機主邊位呢？
我：部電話我偷返黎。
和記：（唔出聲）．．．．
我：冇乜野我轉返自己張電話卡啦，Bye。
